Banda Infantil de Taragoña

BENVIDOS Ó BLOG DA BANDA DE MÚSICA INFANTIL DE TARAGOÑA! En primeiro lugar mandar un saúdo a todos os que un día formamos parte desta banda de música e un cariñoso recordo para os que tamén formaron parte de ela e desgraciadamente xa non se encontran entre nós.

Mediante este blog queremos reunir de novo á familia musical e a todas aquelas persoas que participaron no proxecto da súa creación e desenvolvemento. Queremos que sexa unha homenaxe a uns tempos de amistade, de unión e de traballo constante.

Esperamos que vos guste recordar con nós e que non nos esquezades no presente!


17 noviembre 2017

Ensaio 2017

Hoxe tivemos a reunión que anunciamos e aínda que moita xente non pudo asistir, xa confirmou a súa colaboración  e xa se pode programar un concerto... así que alá imos!

Determinamos ter o 1º ensaio o vindeiro domingo 19 de novembro no local do Centro Cultural ás 11 da mañán.

Estamos encantados de volver a tocar xuntos! Vémonos! Un saúdo a todos!


07 noviembre 2017

1977-2017 40º aniversario

Un saúdo a todos!

Hoxe vimos de novo para recordar que o mes que ven cúmprese o 40º aniversario da banda infantil de Taragoña (1977-2017). Parece mentira que xa pasaran catro décadas desde que a nosa formación musical fora creada! Obviamente cambiaron moito as vidas de todos nós neste intervalo de tempo pero tamén dalgún xeito todo cambiou co nacemento deste blog, pois grazas a el pudemos volver a reconectar e recordar a fermosa historia da nosa banda e a inmensa cantidade de aventuras vividas ó longo da nosa andadura musical.

Algúns de nós, antigos compoñentes da banda, estivemos a falar que de se podería organizar un pequeno concerto e esperamos que se poda levar a cabo se a axenda dos músicos actuais o permite e se contamos coa cooperación de todos vós.

Desde aquí queremos facer un chamamento xeral, xa sabedes que todos sodes benvidos.


Xa iremos notificando das novas que vaian xurdindo. Grazas polo voso tempo e dedicación!


31 mayo 2017

Máis lembranzas!



Un saúdo a todos!
Xa pasaron uns meses desde a última entrada que se fixo no noso blog. Hoxe voltamos cun par de novas reliquias atopadas nun currucho da miña casa onde nin me imaxinaba que poideran estar. Un folleto é dun festival no CCD no mes de decembro (no 1981 parece que foi) no que cooperou a coral de Noia con nós; outro daqueles exitosos festivais que se celebraban a miúdo nos locais do centro cultural.




Tamén vos mostramos unha peza chamada “Canto de los remeros del Volga”; co profesor España fora cando a tocamos alá polo ano 1978; asociada a esta peza teño unha anécdota que lembro persoalmente; despois de tocar esta pequena obra nun pobo que xa non recordo o nome, non houbera nin unha sola alma que aplaudise! Imaxino que non lle gustou a ninguén e responderon desta maneira tan pouco amable. A verdade sexa dita, non foi unha peza moi adecuada para tocar nunha romería á hora do concerto matinal e, de feito, non se volveu a incluir no repertorio.



Agora tamén me veu á memoria un día que non había moita xente á hora dun concerto do mediodía pero por suposto, había que cumplir co contrato e tocar igualmente; a Prudencio ocorríraselle que podiamos aproveitar para ensaiar un pouco (creo que era “La del Soto del Parral”) porque total aínda que metésemos a pata nin se ían enterar; lembro que o pasara moi ben; este detalle quedoume grabado.

Fai un meses anunciouse que se faría unha homenaxe a Sr. Manolo o Pinchudo pero non chegou a formalizarse esta reunión. Se temos máis detalles no futuro, xa volo anunciaremos.

Isto é todo por hoxe. Grazas por visitar o noso blog. Unha aperta! 


08 diciembre 2016

Estamos de aniversario!

Moi boas a todos!

Decir que un día como hoxe fai 39 anos dabamos o primeiro concerto das nosas vidas. Seguro que a todos nos quedou un recordo daquel día; polo menos ós máis nostálxicos atreveríame a asegurar que si.

Nos nosos comentarios xa falamos dalgúns detalles que aconteceron naquela mañá. A que moitos se lembran de que así como empezamos a tocar se empezou a abrir amodiño o telón? Diante dun público que asistíu masivamente ó Centro Cultural para vernos, alí aparecemos uns músicos ben noviños que fomos o orgullo de todo un pobo.

Grazas pola visita ó noso blog e por recordar con nós.

Aquí vos deixamos estas fotos daquel 8 de decembro do 1977.

Nós en plena actuación.

O público, cantas caras coñecidas! Que gusto dá recordalos a todos!

29 noviembre 2016

23 noviembre 2016

Celebrando o 22 de novembro

Aquí de novo para traervos máis fotos da homenaxe de onte.

Desde este blog queremos agradecer á asociación BARBANTIA a súa atención e o detalle de invitarnos a poñer a parte musical a este evento. Por suposto, mil grazas a todos os músicos que participaron, tanto ós antigos compoñentes da banda infantil de Taragoña, como ós das agrupacións musicais de Rianxo e Boiro que tamén nos acompañaron.

Unhas fotiños antes de empezar a función!









Fotos da actuación.








O noso compañeiro Bandín coa súa obra persoal tallada á man representando a Santa Cecilia; foi traída especialmente para lucir neste evento.
 
O profesor descobre a peza de arte feita para el polo artista Che Tembra.



E para rematar, Ana co profesor España nesta foto sacada por unha servidora porque ela foi a que fixo de fotógrafo para a banda no curso da nosa actuación. Graciñas, Ana, pola túa cooperación.

Na portada do periódico "La Voz de Galicia".


Este é un vídeo que resume o evento de onte. Esperamos que vos guste!




ENLACE ó periódico La Voz de Galicia para os que queirades ver as imaxes que publicaron:

http://www.lavozdegalicia.es/album/barbanza/2016/11/24/homenaje-barbantia-jose-ramon-espana-casa-pachin/01101479920201885903730.htm


Un saúdo a todos e grazas de novo por visitar o noso blog!